তুই ফিরি আয়
📝ক্ষিতীশ বর্মন
পেপুরার দল ঝংকি,
ফিরে পেপুড়ার খালোত।
হামার ভাষাত তুইও অংকি,
ফিরেক আইয়ের কোলাত ।
পখির ঝাঁক পথভুলি ,
উড়ি গেইল বহুদূর।
সইঞ্জাবেলাত দেখঙ্ পাকপাকালি,
আসিল ফিরি ঘর।
দলছুট দাতাল হাতি,
ঢুকিল শহর ঘিরি।
শ্যাষ হইলে আন্ধার আতি
জঙ্গল গেইল ফিরি।
তুই তো না হইস ধনুকের তীর
ভুল করিয়া গেছিসে না হয় বিরি।
পেপুরা, পখি, হাতির নাকান
তুই ও আইসেক ফিরি।
নদী কোনোদিন নিজে না চায়
হারেবার স্রোত তার
মানসি বান্ধে বারবার
পাষাণ বুক দিয়া।
ভাষার নদী পড়িয়া যে ওয়
পাথর বুকত নিয়া।
# Poem Tui firi ai by Kabi Kshitish Barman